जाजरकोट ।
नेपाल टेलिकम जाजरकोटले बारेकोट गाउँपालिका र नलगाड नगरपालिकाका स्थानियलाई निशुल्क सिम वितरण गर्दा स्थानियबासी खुसी भएका छन् । बारेकोट गाउँपालिका वडा नं ८ मा एक कार्यक्रमको आयोजना गरी टेलिकमले निशुल्क सिमकार्ड वितरण गरेपछि स्थानीयबासी खुसी भएका हुन् ।
सिम पाउँनेमा बारेकोट गाउँपालिका वडा नम्बर ८,९ र नलगाड नगरपालिका ५ का स्थानिय रहेका छन् । बारेकोट गाउँपालिका वडा नम्बर ९ मा बनेको नमस्ते मोबाईलको फोरजी टावर उद्धघाट्न पश्चात निःशुल्क सिम कार्ड वितरण गरिएको नेपाल टेलिकम जाजरकोटका प्रमुख गोपेन्द्र अधिकारीले जानकारी दिए । उनका अनुसार ७ सय जना भन्दा बढी स्थानियलाई सिम कार्ड वितरण गरीएको छ । गाउँमै निःशुल्क सिम कार्ड पाउँदा स्थानीय खुशी भएकाे अधिकारीले जानकारी दिए ।
