सुर्खेत ।
गुर्भाकोट नगरपालिका वडा नम्बर ४ कोपढुङ्गा निवासी आगलागी पिडित आसिराम बिकलाई वडा कार्यालयले राहत वितरण गरेको छ । फाल्गुन १५ गते सोमबार साँझ ५ बजे तिर आगलागी हुँदा आसिराम बिकको घरमा भएका अन्न, लत्ताकपडा, काठ सबै जलेर नस्ट भएको थियो । पिडित आसिराम बिकलाई वडा कार्यसमितिले चामल २ बोरा, दाल ७ किलो, तेल २ बोतल, नुन २ प्याकेट, डेक्ची १ थान, कराई १ थान राहत स्वरुप वितरण गरीएको छ । यस्तै पिडितलाई थाली ५ थान, लोटा १ थान, डाडु १ थान, पनिउ १ थान, डसना २ थान, सिरक २ थान र तन्ना १ थान वितरण गरीएको वडा अध्यक्ष राम बहादुर डाङ्गीले जानकारी दिए ।
